"Bavariya" chempionlik rekordini takrorladi

19-aprel kuni bo'lib o'tgan uchrashuvda "Bavariya" "Shtutgart"ni 4:2 hisobida mag'lub etib, Germaniya chempionligi unvonini muddatidan oldin qo'lga kiritdi. Bu haqda Euro-football.ru xabar berdi.

Ushbu g'alaba myunxenliklar darvozaboni Manuel Noynerning sobiq jamoadoshi Tomas Myuller bilan birgalikda 13 ta chempionlik unvoniga ega bo'lishiga imkon berdi, deya xabar beradi Bundesliganing matbuot xizmati. Noyner "Bavariya"ga 2011-yil iyul oyida ko'chib o'tgan.

Uning debyut mavsumi sovrinsiz yakunlangan bo'lsa-da, keyinchalik u ketma-ket 11 ta chempionlikni qo'lga kiritgan jamoaning asosiy o'yinchisiga aylandi. 2024-yilda Xabi Alonsoning qo'l ostidagi "Bayer" birinchi o'rin uchun kurashda "Bavariya"ni ortda qoldirdi, keyingi 2 ta chempionlikni esa yana myunxenliklar qo'lga kiritdi.

Myuller 2024-25 yilgi mavsum yakunida "Bavariya"ni tark etdi va hozirda MLSda "Vankuver Uaytkeyps" safida to'p surmoqda. Noynerning "Bavariya" bilan shartnomasi mavsum oxirida yakunlanadi.