Nagelsmann "Bavariya" chempionligi haqida gapirdi

Germaniya terma jamoasi bosh murabbiyi Yulian Nagelsman myunxenlik "Bavariya"ning joriy mavsumdagi muddatidan oldin Germaniya chempionligi haqida fikr bildirdi. Bu haqda Euro-football.ru xabar berdi.

"Bavariya"ni tabriklayman. Kompanyi jamoani jipslashtirib, ishonchli chempionlikka olib chiqdi.

Jamoa ajoyib futbol ko'rsatmoqda. Germaniya terma jamoasi futbolchilari uchun xursandman.

G'alabaga bo'lgan intilish ularga bo'lajak jahon chempionatida yordam beradi", — deya mutaxassisning so'zlaridan iqtibos keltiradi "Bayern & Germany" akkaunti. "Bavariya" so'nggi uchrashuvda o'z uyida "Shtutgart"ni 4:2 hisobida mag'lub etdi.

Bundesliga 30-turi yakunlariga ko'ra, myunxenliklar ikkinchi o'rindagi "Borussiya"dan 15 ochko oldinda bormoqda.