«Barselona» Markus Reshforddan voz kechishi mumkin

"Barselona" klubining qanot hujumchisi Markus Reshford joriy mavsum yakunlangach, "Manchester Yunayted"ga qaytishi mumkin. Bu haqda Euro-football.ru xabar berdi.

Bu haqda jurnalist Luis Roxo xabar berdi. Manbaning ma'lumotlariga ko'ra, "ko'k-granatli"lar ingliz futbolchisini sotib olishning maqsadga muvofiqligi borasida shubhalar ostida qolmoqda.

Reshfordning 2026-yildagi o'yin ko'rsatkichlari sezilarli darajada pasayganligi va u jamoada Rafinyaning yo'qligini to'ldira olmagani ta'kidlanmoqda. "Manchester Yunayted" klubi futbolchini qaytarib olish uchun 30 million yevro miqdorida to'lov talab qilishda davom etmoqda.

Biroq, "Barselona" rahbariyati Reshfordning ish haqi va joriy formasi bilan solishtirganda ushbu summa juda yuqori deb hisoblamoqda. Kataloniya klubining pozitsiyasi faqat hujumchining o'yin darajasidagi keskin yuksalish bilan o'zgarishi mumkin, ammo buning uchun vaqt juda kam qoldi.

Eslatib o'tamiz, katalonlar hujumchini o'tgan yozda "qizil iblislar"dan ijara asosida jalb qilishgan edi. Reshford "Barselona" tarkibida 43 ta bahsda ishtirok etib, 12 ta gol urgan va 13 ta golli uzatmani amalga oshirgan.