"Manchester Yunayted" Bruno Fernandesni jamoada saqlab qolishni kutmoqda

"Manchester Yunayted" sardori Bruno Fernandes joriy mavsum yakunida ham ingliz klubida qolishi mumkin. Bu haqda Euro-football.ru xabar bermoqda.

Saudiya Arabistoni chempionati klublaridan portugaliyalik yarim himoyachiga doimiy qiziqish bildirilayotganiga qaramay, “qizil iblislar” rahbariyati asosiy futbolchilaridan biri bilan xayrlashishni rejalashtirmayapti. Jurnalist Ekrem Qo‘ng‘irning so‘zlariga ko‘ra, “Manchester Yunayted” rahbariyati futbolchining kelajagiga optimistik qarashda.

Chempionlar ligasida yana ishtirok etish imkoniyati 31 yoshli futbolchining faoliyatini kamida yana bir yilga uzaytirishi uchun hal qiluvchi omil bo'lishi kutilmoqda. Bruno Fernandesning amaldagi shartnomasi 2026/27 yilgi mavsum oxirigacha amal qiladi.

Biroq shartnomada shartnomani avtomatik ravishda 2028 yilning yoziga qadar uzaytirish bandi mavjud bo'lib, bu klubga qo'shimcha ta'sir ko'rsatadi va futbolchi bilan uzoq muddatli hamkorlik qilish istiqboliga ishonch beradi. Shu tariqa yarim himoyachining yozda xorij chempionatiga o'tish ehtimoli past deb baholanmoqda.