Amerikalik taniqli pop yulduz Britni Spirsning Islom dinini qabul qilganligi haqidagi xabarlar ayni damda ijtimoiy tarmoqlarda qizg‘in muhokamalarga sabab bo‘lmoqda. Bu haqda Zamin.uz xabar berdi.
Tarmoq foydalanuvchilari hamda xonandaning ko‘p sonli muxlislari mazkur ma’lumotlar ortidan uning shaxsiy hayoti, e’tiqodi va ma’naviy qarashlari borasida turlicha fikr-mulohazalar bildirishmoqda. Ayrim manbalarda keltirilishicha, xonanda hayotining yangi bosqichida ma’naviy izlanishlar yo‘liga kirgan bo‘lishi mumkin.
Shunga qaramay, Britni Spirsning Islom diniga e’tiqod qilishi haqidagi bu xabarlar hozircha rasmiy tasdig‘ini topmagan. Ayni vaqtda internetda tarqalgan ushbu taxminlar atrofidagi shov-shuvlar davom etmoqda, biroq xonandaning o‘zi yoki uning vakillari tomonidan mazkur vaziyat yuzasidan aniq bayonot berilmadi.
Jamoatchilik e’tiborini tortgan ushbu mavzu atrofidagi bahs-munozaralar turli xil qarashlarni keltirib chiqarar ekan, muxlislar xonandadan aniqroq ma’lumot kutishmoqda. Hozircha mavjud ma’lumotlar faqat taxminlar darajasida qolmoqda va xonandaning diniy qarashlari borasidagi mish-mishlar nazorat qilinmagan manbalar orqali kengayib bormoqda.
Izohlar
0