Xiaomi kompaniyasi Xitoy bozorida navbatdagi texnologik yangilik — Mijia Smart Gas Water Heater 2 aqlli gaz suv isitgichining sotuvini rasman boshladi. Bu haqda Zamin.uz xabar berdi.
Ixbt.com manbasiga tayanib maʼlum qilinishicha, mazkur uskuna yuqori unumdorlik va zamonaviy funksionallikni o‘zida mujassam etgan. Qurilmaning asosiy texnik ko‘rsatkichi daqiqasiga 16 litr issiq suv yetkazib berish quvvatiga ega ekanligidir.
Yangi avlod isitgichi ilg‘or texnologik yechimlar asosida ishlab chiqilgan bo‘lib, u yuqori energiya samaradorligi bilan ajralib turadi. Shuningdek, qurilma o‘rnatilgan nasos tizimi bilan jihozlangan bo‘lib, bu jarayon davomida suv bosimini barqaror saqlash va ta’minotni bir maromda boshqarish imkonini beradi.
Ixbt.com nashrining yozishicha, mazkur model foydalanuvchilar uchun qulaylik yaratishga qaratilgan bo‘lib, xavfsizlik va tejamkorlik nuqtayi nazaridan kompaniyaning oldingi ishlanmalaridan sezilarli darajada farq qiladi. Hozirgi vaqtda qurilma Xitoy hududidagi savdo nuqtalarida xaridorlarga taqdim etilmoqda.
Izohlar
0