Majburiy ijro byurosi organlari aliment to‘lovlari bilan bog‘liq qarzdorliklarni kamaytirish hamda fuqarolarning mas’uliyatini oshirish maqsadida tizimli ravishda targ‘ibot va tushuntirish ishlarini olib bormoqda. Bu haqda Zamin.uz xabar berdi.
Mazkur chora-tadbirlar amaliy natijalarini ko‘rsatib, qarzdorlarning o‘z majburiyatlarini bajarishga bo‘lgan yondashuvini ijobiy tomonga o‘zgartirmoqda. Xususan, huquqni muhofaza qiluvchi organlar tomonidan ko‘rilayotgan choralar doirasida sud qarorlarining ijrosini ta’minlash masalasiga alohida e’tibor qaratilmoqda.
Jumladan, Fuqarolik ishlari bo‘yicha Urganch tumanlararo sudining 2015 yil 16 fevraldagi sud buyrug‘i ijrosini ta’minlash jarayonida ham samarali ishlar amalga oshirildi. Ushbu sud hujjati asosida qarzdor G‘.S.dan undiruvchi S.S.
foydasiga bir nafar farzandining moddiy ta’minoti uchun aliment mablag‘larini undirish belgilangan edi. Byuro xodimlari tomonidan olib borilgan tushuntirish ishlari hamda qonunchilikda belgilangan majburiy ijro choralari natijasida qarzdorlikni bartaraf etish bo‘yicha ijobiy natijalarga erishilmoqda.
Bunday yondashuv farzandlarning huquq va manfaatlarini himoya qilishda muhim ahamiyat kasb etib, aliment to‘lovlari bo‘yicha qarzdorliklarning oldini olishga xizmat qiladi.
Izohlar
0