Majburiy ijro byurosining Chilonzor tuman bo‘limi ish yurituviga fuqarolik ishlari bo‘yicha Uchtepa tumanlararo sudining 2026 yil 13 avgustdagi ijro hujjati kelib tushdi. Bu haqda Zamin.uz xabar berdi.
Sud qaroriga muvofiq, undiruvchi B.A.ni qarzdor tashkilot tarkibidagi Hududiy tuzilmalar faoliyatini muvofiqlashtirish bo‘limi boshlig‘i o‘rinbosari lavozimiga qayta tiklash majburiyati yuklatilgan. Mazkur ijro hujjati ijrosini ta’minlash maqsadida davlat ijrochilari tomonidan tegishli choralar ko‘rilmoqda.
Xususan, qarzdor tashkilot rahbariga sud qarorini ixtiyoriy ravishda bajarish uchun belgilangan muddat taqdim etilgan. Agar ushbu muddat ichida sud hujjati ijrosi ta’minlanmasa, qonunchilikda ko‘zda tutilgan majburiy ijro choralari, jumladan, ma’muriy jarimalar va boshqa cheklovlar qo‘llanilishi nazarda tutilgan.
Ayni paytda mazkur jarayon byuro xodimlari tomonidan nazoratga olingan bo‘lib, sud qarorining so‘zsiz bajarilishi ta’minlanishi ko‘zda tutilgan. Ish yuzasidan barcha zarur protsessual harakatlar davom ettirilmoqda.
Izohlar
0