Yangi avlod iPhone 18 Pro va iPhone 18 Pro Max smartfonlarining bozor narxlari va ranglar palitrasi ma'lum qilindi. Bu haqda Zamin.uz xabar berdi.
Taqdim etilgan ma'lumotlarga ko'ra, iPhone 18 Pro modelining 256 GB hajmli versiyasi Silver, Glacier, Black va Burgundy ranglarida 1 559 dollar etib belgilangan. Mazkur qurilmaning 512 GB xotiraga ega varianti 1 819 dollar, 1 TB sig'imli eng yuqori modifikatsiyasi esa 2 899 dollar narxda sotuvga chiqariladi.
iPhone 18 Pro Max turkumidagi smartfonlar uchun narxlar xotira hajmi va tanlangan rangga qarab farqlanadi. Xususan, 256 GB hajmli qurilma Black, Silver va Glacier ranglarida 1 749 dollar, Burgundy rangida esa 1 799 dollar baholanmoqda.
512 GB xotirali model uchun narxlar turlicha: Black va Glacier ranglari 1 999 dollar, Silver rangi 2 019 dollar, Burgundy rangi esa 2 099 dollarni tashkil etadi. Ushbu modelning 1 TB hajmli variantini 2 699 dollar evaziga xarid qilish mumkin.
Shuningdek, SIM va E-SIM kombinatsiyasini qo'llab-quvvatlaydigan iPhone 18 Pro modellari ham mavjud bo'lib, ularning 256 GB hajmli Silver rangi 1 549 dollar, ayni shu hajmdagi boshqa varianti esa 1 579 dollar narxda taklif etilmoqda. Mazkur narxlar xalqaro bozor talablari va texnik xususiyatlardan kelib chiqqan holda shakllantirilgan.
Izohlar
0