Ilon Mask rahbarlik qilayotgan SpaceX va Tesla kompaniyalari koinot hududida yiliga 200 gigavatt hajmida quyosh energiyasini ishlab chiqarishni ko‘zda tutuvchi yirik loyihani amalga oshirish niyatida. Bu haqda Zamin.uz xabar berdi.
Ixbt.com nashrining ma’lumotlariga ko‘ra, mazkur tashabbus Yer yuzida tobora dolzarb tus olayotgan energetik muammolarni bartaraf etish hamda kelajakda yuzaga kelishi mumkin bo‘lgan texnologik ehtiyojlarni barqaror ta’minlash maqsadida ishlab chiqilgan. Ilon Maskning qarashlariga ko‘ra, kosmik fazo quyosh energiyasini to‘plash borasida ulkan salohiyatga ega bo‘lib, bu manbadan samarali foydalanish insoniyat taraqqiyoti uchun yangi imkoniyatlar eshigini ochishi mumkin.
Hozirgi kunda kompaniyalar ushbu texnologik yechimni hayotga tatbiq etish bo‘yicha dastlabki hisob-kitoblar va ilmiy izlanishlarni davom ettirmoqda. Mazkur loyiha muvaffaqiyatli amalga oshirilsa, global energetika tizimida tub burilish yuz berishi va energiya taqchilligi bilan bog‘liq vaziyat sezilarli darajada yaxshilanishi kutilyapti.
Izohlar
0