Ijtimoiy tarmoqlarda Sergeli tumanida sodir bo‘lgan nizoli vaziyat aks etgan videotasvirlar keng tarqaldi. Bu haqda Zamin.uz xabar berdi.
Unda ikki fuqaro o‘zaro kelishmovchilik sababli yana bir shaxsga nisbatan tajovuzkor munosabatda bo‘lib, unga nisbatan jismoniy kuch ishlatayotgani tasvirlangan. Dastlabki ma’lumotlarga ko‘ra, mazkur mojaro tomonlarning farzandlar bilan ko‘rishish jarayonida yuzaga kelgan tushunmovchilik ortidan boshlangan.
Ushbu holat jamoatchilik orasida turli muhokamalarga sabab bo‘lgach, Sergeli tumani Ichki ishlar bo‘limi xodimlari voqeani nazoratga oldi. Hozirgi vaqtda huquq-tartibot idoralari tomonidan mazkur hodisa yuzasidan tergovga qadar tekshiruv harakatlari olib borilmoqda.
Tergov jarayonida nizoning barcha ishtirokchilari aniqlanib, ularning xatti-harakatlariga huquqiy baho berilishi ko‘zda tutilgan. Ichki ishlar organlari vakillari vaziyatning barcha tafsilotlarini o‘rganishni davom ettirmoqda.
Tekshiruv yakunlari bo‘yicha qonuniy qaror qabul qilinishi ta’minlanadi.
Izohlar
0