Qibrayda aliment qarzdorligini undirish bo‘yicha samarali ishlar olib borildi

Majburiy ijro byurosi organlari o‘z faoliyatida fuqarolarning qonuniy huquq va manfaatlarini himoya qilish, xususan, voyaga yetmagan farzandlarning moddiy ta’minotini kafolatlash masalasiga alohida e’tibor qaratmoqda. Bu haqda Zamin.uz xabar berdi.

Ushbu yo‘nalishdagi ishlar doirasida Majburiy ijro byurosining Qibray tuman bo‘limi tomonidan ijro harakatlari amalga oshirilmoqda. Xususan, Fuqarolik ishlari bo‘yicha Chirchiq tumanlararo sudining tegishli sud buyrug‘iga asosan, qarzdor U.A.dan undiruvchi A.A.

foydasiga aliment hisobidan yuzaga kelgan qarzdorlikni undirish choralari ko‘rilmoqda. Byuro xodimlari tomonidan olib borilgan tushuntirish va majburiy ijro ishlari natijasida aliment to‘lovlarini o‘z vaqtida amalga oshirish hamda kelgusida yuzaga kelishi mumkin bo‘lgan qarzdorliklarning oldini olish maqsad qilingan.

Qonun hujjatlarida belgilangan tartibga muvofiq, voyaga yetmagan farzandlarning moddiy ehtiyojlarini ta’minlash ota-onaning bevosita majburiyati bo‘lib, ijro organlari ushbu jarayonning shaffofligi va qonuniyligini nazorat qilib boradi. Mazkur jarayonlar doirasida sud qarorlarining so‘zsiz ijrosini ta’minlash va bolalar manfaatlari himoyasini kuchaytirish bo‘yicha tizimli ishlar davom etmoqda.