Kompaniyalar suniy intellekt bo‘yicha yopiq tizimlardan voz kechmoqda

Suniy intellekt sohasida tubdan o‘zgarishlar kuzatilmoqda, xususan, ochiq kodli yoki open source modellar texnologik ekotizimda yetakchi o‘rinni egallab bormoqda. Bu haqda Zamin.uz xabar berdi.

Dunyodagi eng yirik suniy intellekt platformalaridan biri hisoblangan Hugging Face bosh direktori Clem Delangue mazkur jarayonni tahlil qilar ekan, bozor ishtirokchilari o‘rtasida yirik texnologik gigantlarning yopiq tizimlariga to‘liq qaram bo‘lib qolishdan voz kechish tendensiyasi kuchayayotganini ta’kidladi. Delangue fikricha, bugungi kunda biznes vakillari o‘z faoliyatida texnologik mustaqillikni saqlab qolishni ustuvor vazifa deb bilmoqda.

Aynan shu omil korxonalarni yopiq infratuzilmalardan voz kechib, ochiq manbali modellarga murojaat qilishga undamoqda. Bunday yondashuv kompaniyalarga suniy intellekt vositalarini o‘z ehtiyojlariga moslashtirish, ma’lumotlar xavfsizligini ta’minlash va uzoq muddatli istiqbolda raqamli suverenitetni himoya qilish imkonini beradi.

Ushbu o‘zgarishlar suniy intellekt rivojlanish vektorini markazlashgan tizimlardan demokratik va ochiq platformalar tomon yo‘naltirayotganini ko‘rsatmoqda.