Yevropaning Copernicus iqlim xizmati mutaxassislari joriy yilning 22-avgust kuni jahon okeani sirtining o‘rtacha harorati 21,1 daraja issiqlikni tashkil etganini ma’lum qildi. Bu haqda Zamin.uz xabar berdi.
TASS agentligi keltirgan ma’lumotlarga ko‘ra, mazkur ko‘rsatkich 1979-yildan buyon sun’iy yo‘ldoshlar yordamida olib borilayotgan kuzatuvlar tarixidagi eng yuqori natija sifatida qayd etildi. Ixbt.com nashri xabariga ko‘ra, bu holat iqlim o‘zgarishlari fonida okean suvlarining qizishi borasida xavotirli tendensiyani ko‘rsatmoqda.
Shu o‘rinda ta’kidlash joizki, avvalgi mutlaq maksimal ko‘rsatkich aynan joriy yilning mart oyida kuzatilgan edi. Mutaxassislar okean haroratining bunday darajada ko‘tarilishi dengiz ekotizimlari va global iqlim barqarorligiga salbiy ta’sir ko‘rsatishi mumkinligidan ogohlantirmoqda.
Kuzatuvlar shuni ko‘rsatadiki, so‘nggi oylarda qayd etilgan bu kabi rekord natijalar sayyoramizdagi harorat o‘zgarishlari jadallashib borayotganini tasdiqlaydi. Copernicus xizmati vakillari mazkur jarayonni doimiy nazorat ostida ushlab, ma’lumotlarni tahlil qilishda davom etishmoqda.
Izohlar
0