Farg‘ona viloyatining Furqat tumanida mudhish yo‘l-transport hodisasi qayd etildi. Bu haqda Zamin.uz xabar berdi.
Unda haydovchilik guvohnomasiga ega bo‘lmagan o‘smir yigit BMW rusumli avtomobilni boshqarish jarayonida halokatga uchradi va voqea joyida vafot etdi. Dastlabki surishtiruvlar shuni ko‘rsatmoqdaki, avtotransport vositasi belgilangan me’yordan yuqori tezlikda harakatlangan.
Natijada haydovchi boshqaruvni yo‘qotgan va avtomobil yo‘ldan chiqib ketib, ag‘darilgan. Yo‘l harakati xavfsizligi xizmati xodimlarining ma’lumotlariga qaraganda, ushbu o‘smir avval ham tegishli hujjatlarsiz transport vositasini boshqargani uchun huquq-tartibot organlari tomonidan ogohlantirilgan va unga nisbatan qonuniy choralar ko‘rilgan edi.
Shunga qaramay, yosh haydovchi xavfsizlik qoidalariga rioya qilmasdan, yana bir bor avtomobil boshqaruviga o‘tirgan. Hozirda mazkur holat yuzasidan tegishli organlar tomonidan surishtiruv ishlari olib borilmoqda.
Ushbu fojiali voqea voyaga yetmaganlarning avtomobil boshqarishi qanchalik xavfli ekanligini hamda ota-onalar nazorati naqadar muhimligini yana bir bor tasdiqlaydi.
Izohlar
0