Xalqaro astronomlar guruhi Yerga eng yaqin joylashgan qizil oʻta gigant yulduzlardan biri Betelgeytse boʻyicha yangi ilmiy tadqiqot natijalarini eʼlon qildi. Bu haqda Zamin.uz xabar berdi.
Mutaxassislar zamonaviy texnologiyalar yordamida ushbu yulduzning shu kungacha olingan eng aniq va batafsil suratlarini qoʻlga kiritishga muvaffaq boʻlishdi. Astronomik oʻlchovlarga koʻra, mazkur osmon jismi Quyoshdan qariyb 800 baravar kattaroq hajmga ega.
Olimlar Betelgeytseni oʻz hayotiy siklining soʻnggi bosqichida deb hisoblashadi va yaqin kelajakda uning oʻta yangi yulduz sifatida portlashi kutilmoqda. Mazkur jarayon kosmik fazoning evolyutsiyasini tushunishda muhim ahamiyat kasb etadi.
Yulduz sirtidagi oʻzgarishlar va uning tarkibidagi fizik jarayonlar haqidagi ushbu maʼlumotlar olamning kelib chiqishi hamda yulduzlar hayotini oʻrganayotgan tadqiqotchilar uchun qimmatli manba hisoblanadi. Ixbt.com nashrining xabar berishicha, mazkur kuzatuvlar yulduzlar fizikasiga oid koʻplab savollarga javob topishga xizmat qiladi.
Izohlar
0