Kupertino texnologiya giganti Apple aqlli uy konsepsiyasini yangi bosqichga olib chiquvchi yirik loyihasini keng jamoatchilikka ma’lum qildi. Bu haqda Zamin.uz xabar berdi.
Kompaniya maishiy texnika va energetika boshqaruvi sohasida jahon miqyosida tan olingan yetakchilar, xususan, LG Electronics hamda Schneider Electric korporatsiyalari bilan hamkorlikda yangi Home Collection aksessuarlar ekotizimini ishlab chiqdi. Ushbu hamkorlik doirasida taqdim etilgan mahsulotlar turkumi aqlli uy infratuzilmasini yanada mustahkamlashga qaratilgan bo‘lib, u o‘z ichiga xavfsizlik videokameralari, zamonaviy aqlli videoqo‘ng‘iroqlar hamda ilg‘or texnologik yechimlarga asoslangan elektron qulflarni qamrab oladi.
Ushbu yangi yo‘nalish foydalanuvchilarga nafaqat uy xavfsizligini ta’minlash, balki texnik jihozlarning o‘zaro uyg‘unlashuvini yaxshilash imkonini beradi. Apple mazkur qadam orqali aqlli uy bozoridagi mavqeini mustahkamlashni va iste’molchilar uchun yuqori sifatli, o‘zaro integratsiyalashgan tizimlarni yaratishni maqsad qilgan.
Kelgusida mazkur mahsulotlar qatori boshqa turdagi maishiy texnikalar bilan ham boyitilishi ko‘zda tutilgan.
Izohlar
0