ChatGPTda kasalliklar haqida gaplashish xavfli: mutaxassislar ogohlantiradi

Sog'liq bilan bog'liq muammolar haqida ChatGPT bilan suhbatlashish kutilmagan oqibatlarga olib kelishi mumkinligi haqida xorijiy OAV xabar bermoqda. Ko'rinib turibdiki, ko'plab odamlar sun'iy intellekt yordamida o'z salomatligi haqida ma'lumot olishga harakat qilmoqda. Lekin, mutaxassislar bunday muloqotlar ortiqcha tashvishga sabab bo'lishi va odamlarda o'zini kasal deb his qilish hissini kuchaytirishi mumkin, deydi.

Sun'iy intellekt tomonidan berilgan noto'g'ri talqin qilingan ma'lumotlar ruhiy salomatlikka salbiy ta'sir ko'rsatishi mumkin. OpenAI kompaniyasining ma'lumotlariga ko'ra, kuniga 40 milliondan ortiq foydalanuvchi ChatGPTdan sog'liq bilan bog'liq savollar uchun foydalanadi. Bu esa ushbu texnologiyaning mashhurligi tobora ortib borayotganidan dalolat beradi.

Shu bilan birga, mutaxassislar sun'iy intellekt bilan uzoq davom etadigan muloqotlar qaramlikka olib kelishi, tashvishni kuchaytirishi va ruhiy tushkunlikka sabab bo'lishi mumkinligi haqida ogohlantirmoqda. Ular, sun'iy intellekt tibbiy maslahat berish uchun mo'ljallanmaganligini, shuning uchun unga ishonish xavfli ekanligini ta'kidlamoqdalar. Sog'liq bilan bog'liq har qanday muammo uchun mutaxassis vrachga murojaat qilish eng to'g'ri yechim hisoblanadi.