Italiyaning «Verona» klubi himoyachisi Rafik Bel'gali faoliyatini A Seriyaning boshqa bir vakili – «Torino» safida davom ettiradi. Bu haqda Euro-football.ru xabar berdi.
Bu haqda turinliklar matbuot xizmati rasman ma’lum qildi. Sport nashrlarida tarqalgan ma’lumotlarga ko‘ra, ushbu transfer kelishuvi «Torino» klubiga yetti million yevroga tushgan.
24 yoshli futbolchi yangi jamoasi bilan uzoq muddatli shartnoma imzoladi. O‘tgan mavsumda «Verona» tarkibida Italiya chempionatida 26 ta uchrashuvda maydonga tushgan Bel'gali samarali o‘yin ko‘rsatdi.
U mazkur bahslarda raqiblar darvozasiga ikki bor yo‘l topib, oltita golli uzatmani amalga oshirdi. Ta’kidlash joizki, Italiya chempionatiga ko‘chib o‘tguniga qadar himoyachi uzoq vaqt davomida Belgiya chempionatida to‘p tepgan.
Ayni paytda «Torino» jamoasi Italiya chempionatining dastlabki ikki turidan so‘ng turnir jadvalida 15-o‘rinni egallab turibdi. Turinliklar yangi mavsumni omadsiz boshlab, hali ochko jamg‘ara olishmadi.
Klub rahbariyati Rafik Bel'galining tarkibga qo‘shilishi jamoa himoya chizig‘idagi muammolarni bartaraf etishiga va natijalarni yaxshilashga xizmat qilishiga umid qilmoqda.
Izohlar
0