Spalletti "Yuventus" o'yinini yuqori baholadi

"Yuventus" bosh murabbiyi Lusiano Spalletti Italiya A seriyasining 33-turnida "Bologna" ustidan qozonilgan 2:0 hisobidagi g'alabadan so'ng o'z fikrlarini bildirib o'tdi. Bu haqda Euro-football.ru xabar berdi.

Turinliklar uchun g'alabani Jonatan Devis va Kefren Tyuramning mos ravishda 2- va 57-daqiqalarda kiritgan gollari taqdim etdi. "Boshqa o'yinlardagi natijalarni hisobga olib, biz xatoga yo'l qo'yishimiz mumkin emas edi.

"Bologna" Yevropa ligasidagi ishtiroki tufayli qiyin taqvimga ega edi, shuning uchun biz oldinda bo'lish uchun yuqori intensivlikdagi futbol o'ynashimiz talab etilardi. Jamoa ajoyib ishni bajardi, garchi raqib ba'zan bizni chekinishga majbur qilsa ham.

Menimcha, biz to'g'ri yo'ldamiz. Har kuni biror narsani ijobiy ko'raman – shunday davom etish kerak", – dedi Spalletti DAZN telekanaliga bergan intervyusida.

"Yuventus" A seriya jadvalida to'rtinchi o'rinni egallab turibdi. "Milan" va "Napoli"dan farqi atigi uch ochko.