"Milan" Bavariya yarim himoyachisi Leon Goretskani jalb qilmoqchi

Italiya sardorligi vakili "Milan" klubi "Bavariya" yarim himoyachisi Leon Goretskani o'z saflariga jalb qilish niyatida. Bu haqda Euro-football.ru xabar berdi.

31 yoshli futbolchi joriy mavsum yakunlangach, erkin agent maqomini oladi, zero Myunxen vakillari sportchining jamoani tark etishi haqidagi rasmiy qarorni e'lon qilgan. Jurnalist Ekrem Konurning xabariga ko'ra, Goretska "rossoneri" bosh murabbiyi Massimiliano Allegrining transferlar ro'yxatida ustuvor maqomga ega.

Klub rahbariyati futbolchiga uch yillik shartnoma taklif qilgan bo'lib, uning yiliga maoshi 5 million yevroni tashkil etishi kutilmoqda. Shunga qaramay, nemis sportchisiga boshqa yirik klublar ham qiziqish bildirayotgani ma'lum.

Leon Goretska 2018-yildan buyon "Bavariya" tarkibida faoliyat yuritib kelmoqda. Joriy mavsumda u Vensan Kompani boshchiligidagi jamoa safida barcha turnirlarda jami 40 ta o'yin o'tkazdi.

Ushbu davr mobbiligida yarim himoyachi uchta gol urgan va uchta samarali uzatma amalga oshirgan.