Angliyalik 39 yoshli taniqli jangchi Maykl Peyj UFC bilan hamkorlikni yakunlaganini e'lon qildi va bu qarori yuzasidan o'z munosabatini bildirdi. Bu haqda Zamin.uz xabar berdi.
Sentyabr oyida o'zbekistonlik sportchi Nursulton Ro'ziboyev ustidan qozonilgan g'alabadan so'ng, tomonlar o'zaro kelishuvga ko'ra yo'llarini ajratishdi. Tajribali jangchi endilikda o'z faoliyatini Misfits Boxing promousheni tarkibida davom ettirishga qaror qildi.
Yahoo nashriga bergan intervyusida Peyj yangi ligaga o'tish jarayoni va bo'lajak rejalariga to'xtalib o'tdi. Uning so'zlariga ko'ra, mazkur o'zgarish sport faoliyatidagi yangi bosqich hisoblanadi.
Peyj o'zining professional mahoratini yangi maydonda namoyish etishga tayyorligini va oldinda uni qiziqarli janglar kutib turganini ta'kidladi. Jangchi UFCdagi tajribasini ijobiy baholab, endilikda diqqatini Misfits Boxingdagi yangi chaqiriqlarga qaratishini qayd etdi.
Sport jamoatchiligi uchun kutilmagan bo'lgan ushbu transfer jang san'ati olamida muhim voqelik sifatida qabul qilinmoqda. Maykl Peyj o'z muxlislarini yangi janglarda yuqori natijalar bilan xursand qilish niyatida.
Izohlar
0