Angliyaning "Liverpul" klubi yarim himoyachi Aleksis Mak Allister bilan yangi shartnoma imzolash niyatida emas. Bu haqda Euro-football.ru xabar berdi.
Bu haqda "Bernabeu Digital" nashri xabar bermoqda. 27 yoshli argentinalik futbolchining amaldagi kelishuvi 2028-yilning iyun oyiga qadar mo‘ljallangan bo‘lishiga qaramay, manbalarga ko‘ra, u joriy mavsum yakunida klubni tark etishi kutilmoqda.
Futbolchining o‘zi avvalroq yozgi transferlar vaqtida "Liverpul"dan ketish ehtimoli bo‘lganini tan olgan edi. Shuningdek, u klub rahbariyati tomonidan yangi shartnoma taklif etilmayotganidan noroziligini yashirmagan.
Mak Allister atrofidagi vaziyatni Madridning "Real" klubi yaqindan kuzatib bormoqda va ispaniyaliklar yaqin kelajakda yarim himoyachini o‘z safiga qo‘shib olishga urinib ko‘rishi mumkin. Shuningdek, "Manchester Siti" klubi ham futbolchiga qiziqish bildirmoqda.
Agar Aleksis Mak Allister "Liverpul"ni tark etadigan bo‘lsa, klub rahbariyati uning o‘rnini to‘ldirish uchun muqobil variantlarni ko‘rib chiqmoqda. Xususan, "Bornmut" vakili Aleks Skott hamda "Monako" yarim himoyachisi Lamin Kamara nomzodlari asosiy davogar sifatida tilga olinmoqda.
Klub transfer bozoridagi vaziyatni tahlil qilib, tarkibni kuchaytirish bo‘yicha keyingi qadamlarni rejalashtirmoqda.
Izohlar
0