Milanning «Inter» klubi hujumchisi Lautaro Martines joriy yozgi transferlar oynasida jamoani tark etmaydi. Bu haqda Euro-football.ru xabar berdi.
So‘nggi kunlarda Ispaniyaning «Barselona» klubi argentinalik futbolchini o‘z safiga qo‘shib olishni rejalashtirayotgani va tomonlar o‘rtasida og‘zaki kelishuvga erishilgani haqida xabarlar tarqalgandi. Biroq taniqli jurnalist Gaston Edulning ma’lum qilishicha, ushbu mish-mishlar haqiqatdan yiroq.
Kataloniya klubi haqiqatan ham Lautaroga qiziqish bildirayotgan bo‘lsa-da, «ko‘k-anorranglilar» tomonidan futbolchi uchun hali hech qanday rasmiy taklif yuborilmagan. Martinesning «Inter» bilan amaldagi shartnomasi 2029-yilning o‘rtalariga qadar mo‘ljallangan.
Transfermarkt portali futbolchining bozor qiymatini 85 million yevroga baholamoqda. Ta’kidlash joizki, bugun argentinalik hujumchi o‘zining 29 yoshini nishonlamoqda.
Ma’lumot uchun, «Barselona» uzoq vaqt davomida Xulian Alvaresni asosiy nishon sifatida ko‘rib kelayotgan edi. Biroq Madridning «Atletiko» klubi o‘z yetakchisini bevosita raqibiga sotishdan qat’iyan bosh tortdi.
Shu bois, «Barselona» rahbariyati hozircha tarkibni kuchaytirish borasida boshqa variantlarni ko‘rib chiqishga majbur bo‘lmoqda. «Inter» muxlislari esa o‘z sardorining jamoadagi kelajagi borasida xavotirga tushishlari uchun asos yo‘qligiga amin bo‘lishlari mumkin.
Izohlar
0