"Barselona" futbol klubi joriy mavsum uchun jamoa sardorlari tarkibini e’lon qildi. Bu haqda Euro-football.ru xabar berdi.
Mundo Deportivo nashrining xabar berishicha, bosh murabbiy Xans-Diter Flik sardorlar ro‘yxatidagi dastlabki ikki o‘rinni shaxsan o‘zi belgilab bergan. Unga ko‘ra, Rafinya Dias jamoaning asosiy sardori etib tayinlangan bo‘lsa, Pedri ikkinchi sardor maqomini oldi.
Qolgan uch nafar sardor jamoa a’zolari o‘rtasida o‘tkazilgan ovoz berish jarayoni orqali aniqlandi. Natijalarga ko‘ra, Erik Garsiya uchinchi, Frenki de Yong to‘rtinchi hamda 19 yoshli iqtidorli futbolchi Lamin Yamal beshinchi sardor etib saylandi.
Ta’kidlash joizki, avvalroq murabbiy Xans-Diter Flik Frenki de Yongni sardorlar tarkibidan chiqarib tashlagan edi. Biroq vaqt o‘tib, niderlandiyalik yarim himoyachi yana sardorlik bog‘ichini taqish huquqiga ega bo‘ldi.
Hozirgi vaqtda futbolchi jarohati sababli maydonga tusha olmayapti. Eslatib o‘tamiz, "ko‘k-anorranglilar" La Liganing navbatdagi turida safarda "Valensiya" jamoasi mehmoni bo‘lishadi.
Mazkur uchrashuv jamoaning chempionatdagi muhim qadamlaridan biri hisoblanadi.
Izohlar
0