Jeffri Monkada Nitssa klubida ish boshlamaydigan bo‘ldi

Jeffri Monkada faoliyatida kutilmagan o‘zgarishlar yuz berdi. Bu haqda Euro-football.ru xabar berdi.

"Milan" klubini tark etganidan so‘ng, u Fransiya chempionati vakili "Nitssa" bilan kelishuvga erishgan edi. Biroq, tomonlar o‘rtasidagi hamkorlik kutilganidek amalga oshmaydigan bo‘ldi.

Dastlabki rejalarga ko‘ra, Monkada "Nitssa"da texnik direktor lavozimida ish boshlashi va bu o‘rinda Florian Morisning o‘rnini egallashi ko‘zda tutilgandi. Biroq, klub atrofidagi vaziyat keskin o‘zgardi.

Xususan, INEOS kompaniyasining klubdagi nazorat paketini o‘z qo‘lida saqlab qolish haqidagi qarori kadrlar masalasida ham yangi tartib-qoidalarni keltirib chiqardi. Ushbu o‘zgarishlar natijasida Jeffri Monkada uchun fransuz klubida joy topilmadi.

Shu tariqa, tajribali skaut yangi mavsumda o‘z faoliyatini boshqa jamoada davom ettirishiga to‘g‘ri keladi. O‘z navbatida, "Nitssa" o‘tgan mavsumdagi muvaffaqiyatsizliklardan xulosa chiqargan holda, yangi chempionatda o‘z mavqeini tiklash va natijalarni yaxshilash maqsadida jiddiy islohotlarni amalga oshirishga tayyorgarlik ko‘rmoqda.

Hozircha tomonlar ushbu holat yuzasidan qo‘shimcha bayonot bermadi.