Florentino Peres "Real Madrid" futbolchilarini qattiq tanqid qildi

"Real Madrid" klubi Chempionlar ligasidan chiqib ketganidan so'ng, jamoa prezidenti Florentino Peres kiyinish xonasiga kirib, futbolchilar bilan uchrashuv o'tkazdi. Bu haqda Euro-football.ru xabar berdi.

Ispaniyaning "Sport" nashri xabariga ko'ra, klub rahbari jamoaning joriy mavsumdagi faoliyatini qattiq tanqid qilgan. Manbaga tayanib yozilishicha, Florentino Peres futbolchilarga murojaatida ularning bugungi harakatlarini qadrlashini aytgan bo'lsa-da, umumiy mavsum natijalari hamma uchun katta hafsalasi pir bo'lganini ta'kidlagan.

Prezident "Real Madrid" futbolchilariga qo'yiladigan talablar juda yuqori ekanligini eslatib, hech qanday sovrinsiz yakunlangan mavsumni haqiqiy muvaffaqiyatsizlik deb atagan. Peresning ta'kidlashicha, "Real Madrid" formasini kiyish nafaqat katta imtiyoz, balki ulkan mas'uliyatdir.

Biroq jamoaning ko'plab vakillari ushbu mas'uliyatni his qilmaganlari va klubning standartlariga javob bera olmaganliklari haqida gapirgan. Hozirgi kunda "Real Madrid" nazariy jihatdan Ispaniya chempionligini qo'lga kiritishi mumkin, biroq bu juda qiyin vazifa bo'lib qolmoqda.

Turnir jadvalida "Barselona" bilan oradagi farq to'qqiz ochkoni tashkil etadi va mavsum yakuniga qadar bor-yo'g'i yetti tur qoldi.