Bellingem "Real" muxlislari oldida mag'lubiyat uchun uzr so'radi

Madridning "Real" klubi yarim himoyachisi Jud Bellingem jamoaning Chempionlar ligasidan chiqib ketgani munosabati bilan o'z fikrlarini bildirdi. Bu haqda Euro-football.ru xabar berdi.

Myunxenda bo'lib o'tgan uchrashuvda "qiroliy klub" Germaniyaning "Bavariya" jamoasiga 3:4 hisobida mag'lub bo'ldi. Madridliklar o'yinning yakuniy daqiqalarida ikkita gol o'tkazib yuborishdi, natijada umumiy hisob 4:6 ko'rsatkichi bilan nemis giganti foydasiga yakunlandi.

Bellingem ijtimoiy tarmoqlardagi sahifasida muxlislar bilan muloqot qilib, jamoaning mag'lubiyatini tan oldi. Futbolchining ta'kidlashicha, jamoa g'alaba qozonish uchun bor imkoniyatlarini ishga solgan bo'lsa-da, bu harakatlar yetarli bo'lmadi.

Yarim himoyachi muxlislar oldida uzr so'rab, ularning qo'llab-quvvatlashiga minnatdorchilik bildirdi va yaqin orada muvaffaqiyatlar qaytishiga ishonganini ta'kidladi. Shuningdek, u mavsumning qolgan qismini imkon qadar yuqori natijalar bilan yakunlash niyatida ekanini ma'lum qildi.

Hozirgi kunda "Real" Madrid trofeysiz qolish xavfi ostida turibdi. Ispaniya oliy divizoni — La Ligada jamoa chempionlik poygasidagi asosiy raqibi "Barselona"dan to'qqiz ochko orqada qolmoqda.

Musobaqaning yakuniga yetguncha bor-yo'g'i yetti tur qoldi, bu esa vaziyatni yanada qiyinlashtirmoqda.