Bavariya Ko'mpaniga Chempionlar ligasi uchun bonus tayyorladi

Bavariya bosh murabbiyi Ko'mpani Chempionlar ligasida g'alaba qozonsa, maxsus bonus oladi

"Bavariya" bosh murabbiyi Vensan Ko'mpani jamoani Chempionlar ligasida chempion qilsa, maxsus bonus bilan taqdirlanadi. Bu haqda Euro-football.ru xabar berdi.

Sport Bild'ning xabar berishicha, Myunxen klubi rahbariyati Ko'mpaniga ushbu turnirda g'alaba qozongan taqdirida 1 million yevro to'laydi. Bu band belgiyalik mutaxassisning 2029-yilgacha mo'ljallangan yangi shartnomasida ko'zda tutilgan.

Tomonlar o'tgan yilning kuzida shartnoma imzolagan edi. Vensan Ko'mpani 2024-yil yozidan buyon jamoani boshqarib kelmoqda.

Yaqinda Myunxen klubi Bundesligada muddatidan oldin chempionlikni kafolatladi. "Bavariya"ning PSJ bilan o'yinlari 28-aprel va 6-may kunlari bo'lib o'tadi.