"Bavariya" 35-marotaba Germaniya chempioni bo'ldi

«Bavariya» Bundesligada chempionlik unvonini muddatidan oldin qo'lga kiritdi. Bu haqda Euro-football.ru xabar berdi.

Vensan Kompani boshchiligidagi jamoa chempionatning so'nggi to'rtta turidan oldin turnir jadvalining eng yuqori pog'onasida tengsiz bo'ldi. Yakshanba kuni «Bavariya» «Shtutgart»ni 4:2 hisobida mag'lub etdi, natijada myunxenliklarning Dortmundning «Borussiya»sidan bo'lgan farqi endi 15 ochkoni tashkil etadi.

Ta'kidlash joizki, «Bavariya» uchun bu chempionlik — tarixda 35-bor qo'lga kiritilgan unvon. Bu rekordning yangilanishi hisoblanadi.

Endi «Bavariya» Chempionlar ligasi va Germaniya kubogiga e'tibor qaratadi. Chorshanba kuni, 22-aprel kuni Vensan Kompani jamoasi milliy kubok yarim finalida «Bayer»ga qarshi maydonga tushadi.