"Barnsli" bosh murabbiyi o‘yin oldidan iste’foga chiqdi

Angliya futbolining uchinchi divizionida ishtirok etayotgan "Barnsli" klubi mavsumni unchalik yorqin o‘tkazmayapti va hozirda turnir jadvalida o‘n ikkinchi o‘rinni egallab turibdi. Bu haqda Euro-football.ru xabar berdi.

Biroq, o‘tgan dam olish kunlarida klub boshqa sabab bilan ommaga tanildi – uning murabbiyi Konor Xarixeyn navbatdagi o‘yin boshlanishidan uch soat oldin iste’foga chiqishga qaror qildi. "Aston Villa" va "Swansea" klublarining sobiq futbolchisi bo‘lgan Xarixeyn klubni o‘tgan yilning mart oyida, o‘sha paytdagi murabbiy Darell Klark o‘rniga boshqargan edi.

Bir yil o‘tgach, klub rahbariyati Xarixeyn ularga kerak emas degan xulosaga keldi. Murabbiy va klub o‘rtasidagi kelishmovchiliklar avjiga chiqdi va buning natijasi sifatida navbatdagi o‘yin arafasida iste’foga chiqish holati yuzaga keldi.

Ta’kidlash joizki, klub ushbu o‘yinni mag‘lubiyat bilan yakunlamadi, kuchli jamoalardan biri bo‘lgan "Bradford" bilan 2:2 hisobida durang qayd etdi.