Xitoylik aktyor Xou Xyang o‘zining g‘ayrioddiy tashqi ko‘rinishi tufayli jamoatchilik va internet foydalanuvchilarining diqqat markazida bo‘lib turibdi. Bu haqda Zamin.uz xabar berdi.
Hozirda 40 yoshni qarshilagan ushbu san’atkor tashqi ko‘rinishidan hali 12 yoshga ham to‘lmagan o‘smirni eslatadi. Aynan shu o‘ziga xos xususiyati bois u Xitoyda Benjamin Batton laqabini olgan.
Mutaxassislarning ta’kidlashicha, aktyorning bolalarcha qiyofasi uning organizmidagi jismoniy rivojlanish jarayonlarining to‘xtab qolishi bilan izohlanadi. Yaqinda ijtimoiy tarmoqlarda aktyorning rafiqasi bilan birga tushgan suratlari keng tarqaldi va ko‘plab muhokamalarga sabab bo‘ldi.
Ko‘pchilik internet foydalanuvchilari uning hayot tarzi va oilaviy munosabatlariga qiziqish bildirmoqda. Garchi tashqi ko‘rinishi sababli turli fikrlar bildirilayotgan bo‘lsa-da, Xou Xyang o‘z kasbiy faoliyatini davom ettirmoqda va ijodiy jarayonlarda faol ishtirok etmoqda.
Uning o‘ziga xos taqdiri va tashqi ko‘rinishi tibbiyot hamda ijtimoiy mavzularni qiziqtirgan odamlar uchun hamon dolzarb mavzu bo‘lib qolmoqda.
Izohlar
0