Rossiyaning keng polosali internet xizmatlarini rivojlantirishga qaratilgan Rassvet loyihasi doirasida fazoga chiqarilgan sunʼiy yoʻldoshlar bilan bogʻliq kutilmagan holat yuz berdi. Bu haqda Zamin.uz xabar berdi.
Ixbt.com nashrining xabar berishicha, mazkur turkumga kiruvchi 16 ta apparatdan biri boʻlgan Object 4 oʻz faoliyatini belgilangan muddatdan ancha oldin yakunladi. Texnik nosozliklar yoki boshqa sabablar tufayli oʻz missiyasini bajara olmagan ushbu qurilma orbitada atigi uch oy harakatlanishga muvaffaq boʻldi.
Kuzatuv maʼlumotlariga koʻra, sunʼiy yoʻldosh atmosferaning zich qatlamlariga kirib kelgan va 6-iyun kuni toʻliq yonib ketgan. Eslatib oʻtamiz, ushbu apparat joriy yilning 23-mart sanasida Plesetsk kosmodromidan muvaffaqiyatli uchirilgan edi.
Mutaxassislar sunʼiy yoʻldoshning kutilmaganda safdan chiqishi va atmosferaga qaytib tushishi sabablarini oʻrganmoqda. Ushbu loyiha Rossiya hududida internet qamrovini kengaytirishni maqsad qilgani bois, yuz bergan holat dasturning umumiy samaradorligiga taʼsir koʻrsatishi mumkinligini aytishmoqda.
Hozircha masʼul idoralar tomonidan hodisa yuzasidan batafsil texnik tahlillar eʼlon qilinmadi.
Rossiyaning Rassvet sunʼiy yoʻldoshi muddatidan avval orbitadan chiqib ketdi
Bu maqola qanday bo'ldi?
