Lucra Sports suniy intellekt bozorida qanday qilib sarmoya topladi

Joriy yilning boshida Lucra Sports kompaniyasi asoschisi va bosh ijrochi direktori Dylan Robbins koʻpchilik ishonmagan natijaga erishdi. Bu haqda Zamin.uz xabar berdi.

U taniqli investor Cathie Wood va uning ARK Invest Venture Fund jamgʻarmasini startapning investitsiya raundiga jalb qilishga muvaffaq boʻldi. Techcrunch.com nashrining xabar berishicha, oʻtgan oyda Lucra kompaniyasi ARK boshchiligidagi B seriyali investitsiyalar doirasida 20 million dollar mablagʻ toʻplaganini maʼlum qildi.

Robbinsning bu yutugʻi eʼtiborga molik, chunki ARK jamgʻarmasi avvalroq eSports sohasidagi Skillz platformasiga kiritgan sarmoyasidan zarar koʻrgan edi. Shunga qaramay, investorlar Lucra loyihasiga ishonch bildirishdi.

Qiziq jihati shundaki, Lucra sunʼiy intellekt sohasiga bevosita bogʻliq boʻlmasa-da, venchur kapital bozorida katta qiziqish uygʻota oldi. Kompaniya bizneslar uchun oq yorliqli interaktiv oʻyin musobaqalarini oʻz ichiga olgan sodiqlik dasturlarini taqdim etadi.

Anʼanaviy kuponlar oʻrniga mijozlar sovrinli onlayn turnirlar yoki oʻzaro doʻstona garovlar tashkil etish imkoniyatiga ega boʻlishadi. Hozirda Five Iron Golf, Dave & Buster’s hamda Chess King kabi yirik brendlar ushbu xizmatdan foydalanib kelmoqda.

Dylan Robbins muvaffaqiyatning ikkita asosiy omilini ajratib koʻrsatadi. Birinchidan, u odamlar bilan oʻrnatilgan ijtimoiy aloqalar muhimligini taʼkidlaydi.

Robbins oʻz investorini Nyu-Yorkdagi barlardan birida darts oʻynab yurganida tasodifan uchratganini eslaydi. Ikkinchi omil esa taqdimot jarayonida sunʼiy intellekt imkoniyatlariga urgʻu berishdir.

Garchi mahsulot sof sunʼiy intellektga asoslanmagan boʻlsa-da, zamonaviy bozorda investorlar eʼtiborini qozonish uchun texnologik yechimlarni toʻgʻri talqin qilish strategik ahamiyat kasb etadi.