Fransiyalik juftlik nikohdan oldin qarindosh emasligini tekshirib ko‘rdi

Fransiyalik Artur Kermalvezen bolalik yillaridan boshlab o‘z biologik otasini topish istagi bilan yashab kelgan. Bu haqda Zamin.uz xabar berdi.

U donor urug‘i yordamida dunyoga kelganini bilganidan so‘ng, atrofidagi har bir erkak, jumladan, o‘z o‘qituvchilarini ham ehtimoliy otasi sifatida qabul qila boshlagan. Uning hayotidagi ushbu izlanishlar voyaga yetganidan keyin kutilmagan tus oldi.

2010 yilda Parij shahrida u Odri ismli ayol bilan tanishadi. Qiziq tomoni shundaki, Odri ham xuddi Artur kabi donor farzandi hisoblanadi.

Juftlik bir-birini ilk ko‘rgan zahoti o‘zaro chuqur hissiyotlar uyg‘onganini va buni bir qarashdagi sevgi deb atash mumkinligini ta’kidlaydi. Biroq, ularning munosabatlari rivojlanib borishi bilan jiddiy va nozik muammoga duch kelishdi.

Ma’lum bo‘lishicha, ular o‘rtasidagi bog‘liqlik kutilganidan ham chuqurroq bo‘lib, bu holat ularning kelajakdagi rejalariga ta’sir ko‘rsatmay qolmadi. Ularning taqdiri qanday kechishi va biologik kelib chiqish bilan bog‘liq bu murakkab vaziyat qanday yechim topishi hozircha noma’lum bo‘lib qolmoqda.