Tramp va Tehron o'rtasida 8 nafar ayolning qatl etilishi masalasida ziddiyat yuzaga keldi
AQSh va Eron o'rtasida 8 nafar ayolni qatl qilishga oid bayonotlar ortidan yangi diplomatik ixtilof kelib chiqdi. Bu haqda Zamin.uz xabar berdi. AQSh prezidenti Trampning ta'kidlashicha, Eron hukumati uning so'roviga binoan namoyishlarda ishtirok etgan 8 nafar ayolga nisbatan tayinlangan o'lim jazosini bekor qilgan. Oq uy rahbariga ko'ra, mahkumlarning 4 nafari darhol ozodlikka chiqariladi, qolganlarining jazosi esa qisqa muddatli qamoq ehtiyot chorasiga almashtiriladi.
Tramp ushbu qarorni o'ziga nisbatan ko'rsatilgan hurmat belgisi deb hisoblab, Tehronga minnatdorchilik bildirdi. Biroq Eron tomoni AQSh prezidentining ushbu chiqishini qat'iyan rad etib, ma'lumotni asossiz va haqiqatga to'g'ri kelmaydigan xabar deb baholadi.
Mamlakatning "Mizan" agentligi tomonidan e'lon qilingan bayonotda qayd etilishicha, Eron hududida bunday qatl jarayonlari rejalashtirilmagan va rasmiy Tehron AQSh bosimi ostida yon bosish niyatida emas. Eron rasmiylari Trampni ichki siyosiy muammolarni yashirish hamda mintaqadagi vaziyat fonida o'zi uchun soxta obro' orttirishga urinishda aybladi.
Hozirda ikki davlat o'rtasidagi axborot qarama-qarshiligi davom etmoqda.
