"Pari Sen-Jermen" klubi hujumchisi Usmon Dembele o‘tgan mavsum yakunlari bo‘yicha "Oltin to‘p" sovriniga da’vogar deb hisoblaydigan futbolchilar nomini ma’lum qildi. Bu haqda Euro-football.ru xabar berdi.
Frantsiyalik futbolchi nufuzli shaxsiy sovrin uchun asosiy nomzodlar qatorida o‘z jamoadoshlari va boshqa chempionatlarda porlagan yulduzlarni tilga oldi. France Football nashriga bergan intervyusida Dembele o‘zining kuchli uchligini shakllantirdi.
Uning fikricha, Xvicha Kvaratsxeliya, Garri Keyn va Kilian Mbappe ushbu mukofotga eng munosib nomzodlardir. Shuningdek, Dembele "Bavariya" safida ajoyib mavsum o‘tkazgan va Bundesliganing eng yaxshi o‘yinchisi deb topilgan Maykl Olise ham ro‘yxatda bo‘lishi kerakligini ta’kidladi.
Fransiyalik forvard Lamin Yamal, Fabian Ruis va Uilyan Pacho kabi iqtidorli yosh futbolchilarni ham sovrin uchun kurashga qodir deb baholadi. O‘zining imkoniyatlari haqidagi savolga javob berar ekan, Dembele kamtarlik bilan o‘zini hech qachon bu ro‘yxatga kiritmasligini qayd etdi.
Eslatib o‘tamiz, dunyoning eng yaxshi futbolchisini aniqlab beradigan "Oltin to‘p"ni topshirish marosimi joriy yilning 26-oktabr kuni London shahrida bo‘lib o‘tishi rejalashtirilgan. Mazkur tadbir futbol olamidagi eng kutilgan voqealardan biri hisoblanadi.
Izohlar
0