Ugo Ekitike jiddiy jarohat tufayli 9 oyga safdan chiqdi.

Angliyaning “Liverpul” klubi hujumchisi Ugo Ekitike Parijning “PSJ” klubiga qarshi Yevropa Chempionlar Ligasi 1/4 final javob o‘yinida jiddiy jarohat oldi. Bu haqda Euro-football.ru xabar bermoqda.

Uchrashuvning birinchi bo‘limida fransiyalik forvard maydonni tark etishga majbur bo‘ldi va uning o‘rniga Muhammad Saloh tushdi. Lequipe xabariga ko'ra, tibbiy ko'rik jiddiy tashxisni tasdiqlagan - Axilles tendonining yorilishi.

Shifokorlarning dastlabki prognozlariga ko'ra, tiklanish jarayoni taxminan to'qqiz oy davom etadi. Demak, 23 yoshli futbolchi 2026 yilgi jahon chempionatini o'tkazib yuborishi kafolatlangan.

Joriy mavsumda Ugo Ekitike yuqori samaradorlik ko'rsatdi: 45 ta o'yinda hujumchi 17 ta gol urdi. Asosiy futbolchini yo‘qotish “qizillar” murabbiylar shtabi uchun katta muammo bo‘ladi.

Eslatib o‘tamiz, “Liverpul” fransiyalik forvardni 2025 yilning yozida Germaniyaning “Ayntraxt” klubidan sotib olgandi.Transfer summasi 95 million yevroni tashkil etdi va bu futbolchining Yevropadagi eng istiqbolli hujumchilardan biri sifatidagi maqomini ta’kidladi.