Slaven Bilich Xorvatiya terma jamoasi bosh murabbiyi etib tayinlandi

Xorvatiya futboli tarixida muhim o‘zgarishlar ro‘y berdi. Bu haqda Zamin.uz xabar berdi.

Uzoq yillar davomida milliy jamoani boshqargan va jamoa bilan bir qator yutuqlarga erishgan Zlatko Dalich o‘z lavozimini tark etdi. Uning 9 yillik samarali faoliyati yakunlangach, Xorvatiya futbol ittifoqi bosh murabbiylik kursisini egallaydigan navbatdagi mutaxassis nomini e’lon qildi.

Unga ko‘ra, jamoa boshqaruviga avval ham milliy terma jamoada ishlagan taniqli murabbiy Slaven Bilich qaytarildi. Xorvatiya futbol ittifoqi ushbu qarorni bir ovozdan qabul qildi.

Tashkilot tomonidan tarqatilgan rasmiy bayonotda qayd etilishicha, mazkur lavozimga Slaven Bilichni tayinlash tashabbusi ittifoq prezidenti Marian Kustich tomonidan ilgari surilgan. Kustichning taklifi ijroiya qo‘mita a’zolari tomonidan to‘liq qo‘llab-quvvatlangan.

Shu tariqa, Xorvatiya futbolida yangi davr boshlanmoqda. Slaven Bilich o‘zining boy tajribasi va jamoa bilan ishlash uslubi orqali terma jamoani yangi marralar sari yetaklaydi, degan umid bildirilmoqda.

Mutaxassisning oldida turgan asosiy vazifa tarkibni shakllantirish va yaqinlashib kelayotgan xalqaro musobaqalarga munosib tayyorgarlik ko‘rishdan iborat.