"Lion" klubi hujumchisi Malik Fofana faoliyatini Italiya chempionatida davom ettirishi mumkin. Bu haqda Euro-football.ru xabar berdi.
Belgiyalik futbolchiga Rimning "Roma" klubi jiddiy qiziqish bildirmoqda. Bu haqda taniqli transfer insayderi Fabritsio Romano o‘zining ijtimoiy tarmoqlardagi sahifalarida ma’lum qildi.
Manbaning qayd etishicha, rimliklar va futbolchi o‘rtasidagi shaxsiy shartnoma shartlari bo‘yicha kelishuvga o‘tgan haftadayoq erishilgan. Hozirda tomonlar "Lion" klubi bilan moliyaviy masalalarni hal qilish ustida ishlamoqda.
Fransiya klubi rahbariyati o‘z futbolchisini sotish orqali kamida 35 million yevro daromad ko‘rishni maqsad qilgan. Malik Fofana o‘tgan mavsumda Fransiya chempionati doirasida 12 ta uchrashuvda maydonga tushdi.
Mazkur bahslar davomida hujumchi 2 ta gol urishga va 3 ta golli uzatmani amalga oshirishga muvaffaq bo‘ldi. Ta’kidlash joizki, futbolchining "Lion" bilan amaldagi shartnomasi 2028-yilga qadar mo‘ljallangan.
Hozircha klublar o‘rtasidagi muzokaralar davom etmoqda va yaqin kunlarda rasmiy qaror qabul qilinishi kutilmoqda.
Izohlar
0