O‘zbekiston Superligasining 19-turi doirasida Olmaliq shahrida tashkil etilgan bahsda OKMK va Termizning Surxon klublari o‘zaro to‘qnash keldi. Bu haqda Zamin.uz xabar berdi.
Uchrashuvning 17-daqiqasida mehmonlar safida qizil kartochka qayd etilgani sababli, mezbonlar uzoq vaqt davomida son jihatdan ustunlikka ega bo‘lib harakat qilishdi. Biroq, yaratilgan qulay vaziyatlardan unumli foydalana olmagan Mirjalol Qosimov shogirdlari raqib darvozasiga yo‘l topa olishmadi.
Yakuniy hisob 0:0 ko‘rinishida qayd etilib, jamoalar ochko bo‘lishishga majbur bo‘lishdi. Uchrashuv yakuniga yetgach, an’anaga ko‘ra matbuot anjumani tashkil etildi.
Unda so‘z olgan OKMK bosh murabbiyi Mirjalol Qosimov jamoasining so‘nggi uchta uchrashuvdan buyon g‘alaba qozona olmayotgani hamda o‘yin sifatidagi ayrim kamchiliklar xususida o‘z fikrlarini bildirib o‘tdi. Tajribali mutaxassis natijadan qoniqmaganini ta’kidlab, kelgusi turlarda xatolarni bartaraf etish ustida ishlash zarurligini qayd etdi.
Izohlar
0