2004-yil 16-oktyabr kuni 17 yoshli Lionel Messi "Barselona" safida rasmiy debyutini o'tkazdi. Bu haqda Euro-football.ru xabar berdi.
Kataloniya derbisida "Espanol"ga qarshi kechgan bahsda argentinalik futbolchi zaxiradan maydonga tushib, jamoasining 1:0 hisobidagi g'alabasini saqlab qolishga munosib hissa qo'shdi. O'sha tarixiy oqshomda Messi maydonga tushganda, u bilan birga harakat qilgan 10 nafar futbolchi keyinchalik jahon futboli afsonalariga aylandi.
Messi maydonga tushgan vaqtda Deku o'rnini egallagan bo'lsa, Samuel Eto'o o'rniga Andres Inyesta maydonga tushgandi. Quyida o'sha o'yinda ishtirok etgan futbolchilarning faoliyati haqida qisqacha ma'lumot keltirilgan:
Viktor Valdes "Barselona" safida 12 mavsum davomida asosiy darvozabon bo'lgan.
U klub bilan 3 karra Chempionlar ligasi va 6 karra Ispaniya chempioni unvonini qo'lga kiritgan. 2017-yilda faoliyatini yakunlagan.
Karles Puyol butun faoliyatini "Barselona"ga bag'ishlab, jamoa sardori sifatida 21 ta sovrin yutgan. Ispaniya terma jamoasi bilan jahon va Yevropa chempioni bo'lgan.
Rafael Markes "Barselona"dagi muvaffaqiyatli o'yinlari orqali Chempionlar ligasida g'olib chiqqan birinchi meksikalik futbolchiga aylandi. Hozirda u murabbiylik faoliyati bilan shug'ullanmoqda.
Juliano Belletti 2006-yilgi Chempionlar ligasi finalida "Arsenal" darvozasiga g'alaba to'pini kiritishi bilan muxlislar xotirasida qolgan. Oleger "Barselona"da 5 yil to'p surib, ikki bor Ispaniya chempioni bo'lgan.
Faoliyatini yakunlagach, siyosiy va jamoat ishlariga o'tib ketgan. Jovanni van Bronkhorst "Barselona"dagi muvaffaqiyatli davrdan so'ng murabbiylik faoliyatini boshladi.
U "Feyenoord" va "Reynjers" kabi klublarni boshqargan. Andres Inyesta "Barselona" tarixidagi eng buyuk yarim himoyachilardan biri.
U klub bilan 4 marta Chempionlar ligasi g'olibi bo'lgan. Ayni damda murabbiylik litsenziyasini qo'lga kiritish ustida ishlamoqda.
Xavi Ernandes ham "Barselona", ham Ispaniya terma jamoasi ramziga aylangan futbolchi. U murabbiylik faoliyatida ham yuqori natijalarga erishishga harakat qilmoqda.
Henrik Larsson "Barselona"dagi ikki mavsumi davomida 2006-yilgi Chempionlar ligasi finalida hal qiluvchi rol o'ynagan. Ronaldinyo esa Messi debyut qilgan vaqtda jamoaning asosiy yulduzi edi.
2005-yilda "Oltin to'p"ni qo'lga kiritgan braziliyalik futbolchi o'z davrining eng texnikali o'yinchisi hisoblangan.
Izohlar
0