Parijning PSJ jamoasi "Strasburg"ga qarshi kechgan bahsda irodali g‘alabaga erishdi. Bu haqda Euro-football.ru xabar berdi.
Birinchi bo‘limda raqib ustunligida o‘tgan o‘yin parijliklar uchun ancha qiyin kechdi. Chempionlar ligasida yorqin o‘yin namoyish etayotgan Luis Enrike shogirdlari milliy chempionatda hamon barqarorlikni izlamoqda.
Jamoa tarkibidagi yulduzli futbolchilar o‘yinni qutqarib qolish uchun maydonga tushishga majbur bo‘lishdi. Yakuniy hisob 3:1, ammo o‘yin jarayoni mehmonlar uchun oson kechmaganini ko‘rsatdi.
"Yevro-futbol.ru" tahlilchilari uchrashuvdagi eng yaxshi uch nafar futbolchini aniqlashdi. Birinchi o‘rinda darvozabon Matvey Safonov qayd etildi (8,5 ball).
U himoyachilarning xatolari tufayli yuzaga kelgan xavfli vaziyatlarda 7 ta seyv amalga oshirib, jamoani muqarrar gollardan saqlab qoldi. Aynan uning ishonchli o‘yini Parij klubini o‘yinda ushlab turdi.
Ikkinchi o‘rinda himoyachi Ilya Zabarniy (8,0 ball) joy oldi. U nafaqat o‘z vazifasini a’lo darajada bajardi, balki burchak zarbasidan so‘ng hisobni tenglashtirib, jamoaning o‘yinida burilish yasadi.
Zabarniy o‘yin davomida 98 ta aniq pas uzatib, markaziy zonada ham faollik ko‘rsatdi. Uchinchi o‘rinda yosh iqtidor egasi Dezire Due (8,0 ball) e’tirof etildi.
Zaxiradan maydonga tushgan futbolchi penalti ishlashga muvaffaq bo‘ldi va uchrashuvga yakun yasagan uchinchi golga mualliflik qildi. Uning maydondagi harakatlari va hujumga o‘tkirlik bag‘ishlashi jamoa g‘alabasida muhim omil bo‘ldi.
Shu tariqa, PSJ qiyinchilik bilan bo‘lsa-da, muhim uch ochkoni qo‘lga kiritdi. Hozirgi kunda jamoa tarkibidagi raqobat va individual mahorat o‘yin taqdirini hal qilmoqda.
Izohlar
0