Luka Modrich kelajakda muvaffaqiyatli murabbiy bo‘lishi uchun barcha zaruriy sifatlarga ega. Bu haqda Euro-football.ru xabar berdi.
"Real Madrid" yarim himoyachisi italiyalik jurnalistlarga bergan intervyusida murabbiylik faoliyatiga bo‘lgan qiziqishi va futbolni tahlil qilishga yondashuvi haqida so‘zlab berdi. Modrichning fikricha, o‘z o‘yinlarini qayta ko‘rib chiqish va xatolarni tahlil qilish futbolchining o‘sishida muhim ahamiyat kasb etadi.
U maydondagi vaziyatlar ko‘pincha takrorlanishini ta’kidlab, aynan shu omil tufayli xatolardan to‘g‘ri xulosa chiqarish va keyingi safar samaraliroq qaror qabul qilish mumkinligini qayd etdi. "Men shunchaki maydonni tark etishni emas, balki sodir bo‘lgan voqealarni chuqur tahlil qilishni afzal ko‘raman", — deydi tajribali futbolchi.
Ayni damda 41 yoshni qarshilagan xorvatiyalik futbol afsonasi o‘zining futbolga bo‘lgan chuqur tahliliy yondashuvi bilan ko‘pchilikka o‘rnak bo‘lmoqda. Mutaxassislar uning maydondagi ko‘p yillik tajribasi hamda o‘yinni nozik his etish qobiliyati kelgusida uni yuqori saviyadagi murabbiyga aylantirishi mumkinligini taxmin qilishmoqda.
Hozircha esa Modrich o‘zining sport formasini saqlab qolish va jamoasiga foyda keltirishda davom etyapti.
Izohlar
0