Ispaniya milliy terma jamoasi bosh murabbiyi Luis de la Fuente Millatlar ligasi doirasidagi navbatdagi bahs oldidan o'z shogirdlariga qat'iy ko'rsatmalar berdi. Bu haqda Zamin.uz xabar berdi.
Xorvatiya terma jamoasiga qarshi kechadigan uchrashuv arafasida mutaxassis futbolchilarini raqibga nisbatan xotirjamlikka berilmaslikka va ularni kamsitmaslikka chaqirdi. De la Fuentening fikricha, so'nggi davrdagi natijalar yoki jamoalarning reytingdagi o'rni maydondagi haqiqiy kuchlar nisbatini to'liq aks ettirmaydi.
Mutaxassis Bolqon yarimoroli vakillarini jahon futbolidagi eng tajribali va xavfli jamoalardan biri sifatida baholashini alohida ta'kidlab o'tdi. Uning so'zlariga ko'ra, Xorvatiya terma jamoasi istalgan raqibga jiddiy qarshilik ko'rsatish salohiyatiga ega va Ispaniya futbolchilari o'yin davomida maksimal darajada diqqatli bo'lishlari talab etiladi.
Goal.com nashri tarqatgan xabarga ko'ra, ispanlar murabbiylar shtabi bo'lajak qarama-qarshilikka katta mas'uliyat bilan yondashmoqda va raqibning kuchli tomonlarini inobatga olgan holda tayyorgarlik jarayonini olib bormoqda. Ispaniya terma jamoasi uchun ushbu uchrashuv turnir jadvalidagi maqomini mustahkamlash yo'lida muhim qadam hisoblanadi.
Izohlar
0