Kristian Kivu o'zining kinoyali bayonotlariga oydinlik kiritdi

Milano "Inter" klubi bosh murabbiyi Kristian Kivu Chempionlar ligasiga yo'llanma uchun kurashish borasidagi o'z bayonotlarini izohlab berdi. Bu haqda Euro-football.ru xabar berdi.

Eslatib o'tamiz, Italiya oliy divizioni — Seriya Aning o'tgan turida "nerazzurri" vakillari "Komo" jamoasini 4:3 hisobida mag'lub etishgan edi. Uchrashuv yakunida ruminiyalik mutaxassis jamoaning asosiy maqsadi Chempionlar ligasi zonasiga kirishda qolayotganini ta'kidlagan.

Vaholanki, milanoliklarning chempionlik unvonini (skudetto) qo'lga kiritishi deyarli kafolatlangan holatda edi. Ushbu gaplari bilan Kivu shunga o'xshash bayonotlarni tez-tez berib turadigan Massimiliano Allegri va Antonio Konteni kinoyagarchilik bilan tanqid qilgan edi.

Kivu matbuot konferensiyasida ushbu vaziyatga oydinlik kiritib, ba'zi insonlar hazilni tushunmasligini ta'kidladi. Uning so'zlariga ko'ra, hozirgi dunyoda ko'p narsalar haddan tashqari jiddiy yoki yuzaki qabul qilinmoqda.

Murabbiy o'z gaplari shunchaki hazil bo'lganini, biroq unda ma'lum ma'noda haqiqat borligini aytdi. Undan avval raqiblar Chempionlar ligasidagi o'rinlar uchun kurashayotganlari haqida gapirgani sababli, Kivu ham tabassum bilan xuddi shu fikrni takrorlaganini bildirdi.

"Kimdir bundan norozi bo'lgan bo'lishi mumkin, ammo futbol — bu shunchaki o'yin, shuning uchun unga yumor bilan yondashish kerak. Kimdir g'alaba qozonsa, kimdir mag'lub bo'ladi, hech kim xafa bo'lmasligi lozim", — dedi bosh murabbiy.

Bugun "Inter" jamoasi o'z uyida "Kalyari" klubiga qarshi bahsda to'qnashadi.