"Yuventus" klubi yarim himoyachisi Kephren Tyuram jarohatidan tiklanish jarayonini davom ettirmoqda. Bu haqda Euro-football.ru xabar berdi.
Futbolchi joriy yilning 3-sentabr kuni jarrohlik amaliyotini boshidan o‘tkazgan edi. "Goal" nashrining xabar berishicha, fransiyalik futbolchi yaqin ikki hafta davomida Lion shahrida qoladi.
Aynan shu yerda unga operatsiya o‘tkazilgan bo‘lib, sportchi mahalliy shifokorlar nazorati ostida reabilitatsiya kursini o‘taydi. Tyuram o‘ng tizzasidagi muammolar sababli jarrohlik stoliga yotishga majbur bo‘lgan.
Mazkur jarohat unga og‘riqsiz mashg‘ulot o‘tkazishga imkon bermagan hamda tizzada doimiy shish paydo bo‘lishiga olib kelgan. Lionda o‘tkaziladigan ikki haftalik tiklanish jarayonidan so‘ng, futbolchi Turinga qaytadi.
U yerda Tyuram tiklanishning navbatdagi bosqichini boshlaydi va maydonga qaytish uchun tayyorgarlik ko‘radi. Manbalarga ko‘ra, jarohatning jiddiyligini hisobga olgan holda, yarim himoyachi 2027-yilning yanvar oyigacha maydonga tusha olmaydi.
Klub tibbiyot xodimlari futbolchining sog‘lig‘ini xavf ostiga qo‘ymaslik uchun uning tiklanish jarayoniga ehtiyotkorlik bilan yondashmoqda.
Izohlar
0