Yangi mavsum oldidan o‘z tarkibini shakllantirish va o‘yin uslubini takomillashtirish ustida ish olib borayotgan Kataloniyaning Barselona klubi navbatdagi nazorat uchrashuvini o‘tkazdi. Bu haqda Zamin.uz xabar berdi.
Mazkur bahsda ispaniyaliklar Shveysariyaning Bazel jamoasiga qarshi maydonga tushib, 5:2 hisobidagi ishonchli g‘alabani qo‘lga kiritdi. Uchrashuv davomida namoyish etilgan hujumkor o‘yin va yaratilgan vaziyatlar murabbiylar shtabi tomonidan ijobiy baholandi.
Shunga qaramay, Barselona bosh murabbiyi Hans-Diter Flik erishilgan yirik g‘alabaga qaramay, xotirjamlikka berilmaslik kerakligini ta’kidladi. Mutaxassis o‘yindan keyingi matbuot anjumanida jamoaning hozirgi holati hali yakuniy maqsad emasligini qayd etdi.
Uning so‘zlariga ko‘ra, futbolchilar hali o‘zlarining ideal sport formasiga va o‘yin ritmiga kirishmagan. Hans-Diter Flik jamoa o‘z o‘yinini yanada kuchaytirishi va taktika borasida bajariladigan ishlar ko‘pligini bildirib, shoshma-shosharlik bilan xulosa chiqarmaslikka chaqirdi.
Klub oldinda turgan yangi mavsum startiga qadar tayyorgarlik jarayonini tizimli ravishda davom ettirishni rejalashtirgan.
Izohlar
0