Fransiya chempionatining yettinchi turida "Parij" klubi "Renn" jamoasi ustidan 4:3 hisobida g‘alaba qozonib, muxlislarga haqiqiy futbol shousini taqdim etdi. Bu haqda Euro-football.ru xabar berdi.
Uchrashuv gollarga boy bo‘lgani bilan bir qatorda, penaltilar seriyasi bilan ham tarixga kirdi. O‘yinda kiritilgan yetti golning to‘rttasi 11 metrlik jarima zarbalaridan amalga oshirildi.
E’tiborli jihati shundaki, "Renn" jamoasi o‘z hisobiga yozdirgan barcha uchta golni aynan penaltidan kiritishga muvaffaq bo‘ldi. Ushbu gollarning barchasiga "Renn" futbolchisi Esteban Lepol mualliflik qildi.
U 1992-yilning yanvar oyida "Tulon" safida "Nansi" darvozasiga uchta penaltidan gol urgan Leonardo Rodrigesdan keyin Fransiya chempionati tarixida bunday natijani qayd etgan ilk futbolchiga aylandi. Chempionatning navbatdagi turida "Parij" jamoasi safarda "Lans" mehmoni bo‘ladi.
Mazkur uchrashuv 24-oktabr sanasiga belgilangan. "Renn" esa o‘z maydonida "Strasburg" futbolchilarini qabul qiladi.
Jamoalar ushbu bahslarda muvaffaqiyatli natija qayd etish uchun maydonga tushishadi.
Izohlar
0