Myunxenning Bavariya klubi sport direktori Maks Eberl yarimhimoyachi Joau Palinyaning yozgi transfer oynasi yakunlangunga qadar jamoani ijaraga asosida tark etishi mumkinligi borasida o'z fikrlarini bildirdi. Bu haqda Zamin.uz xabar berdi.
Hozirgi vaqtda Germaniya futbolining grand klubi safidagi kelajagi noaniqligicha qolayotgan 31 yoshli portugaliyalik o'yinchi Angliya Premer-ligasi vakillarining diqqat markazida bo'lib turibdi. Bir qator ingliz klublari tajribali futbolchini o'z safiga qo'shib olish niyatida jiddiy qiziqish namoyish etmoqda.
Goal.com nashrining ma'lum qilishicha, dastlab Myunxen rahbariyati futbolchini faqat doimiy asosda transfer qilish yoki jamoada olib qolish variantlarini ko'rib chiqayotgan edi. Biroq vujudga kelgan yangi vaziyat va o'yin amaliyotiga bo'lgan ehtiyojdan kelib chiqib, klub mutasaddilari ijara shartnomasi borasidagi takliflarga ham eshiklarni ochishga tayyor ekanliklarini ishora qilishdi.
Yakuniy qaror yaqin kunlar ichida rasmiylashtirilishi kutilmoqda.
Izohlar
0